गण्डकीका मुख्यमन्त्रीले शुक्रबार विश्वासको मत लिने

नवयुग संवाददाता
२ असार २०७८, बुधबार १३:४६

Advertisement

कास्की । गण्डकी प्रदेशका मुख्यमन्त्री कृष्णचन्द्र पोखरेल नेपालीले प्रदेशसभामा विश्वासको मत लिने भएका छन् । उनले आगामी शुक्रबार विश्वासको मत लिने तयारी भएको सरकारका प्रवक्ता कुमार खड्काले जानकारी दिए ।

Advertisement

शनिबार मुख्यमन्त्री नियुक्त भएका नेपालीले विश्वासको मत लिने प्रस्ताव मंगलबार दर्ता भएको प्रदेशसभा सचिवालयका सचिव हरिराज पोखरेलले जानकारी दिए । विश्वासको मत लिनुभन्दा दुई दिनअघि प्रदेशसभा सचिवालयलाई जानकारी दिनुपर्ने प्रावधान छ ।

Advertisement

नेपालीले मुख्यमन्त्री नियुक्त भएकै दिन मन्त्रिमण्डल विस्तार गर्दै विनाविभागीय ४ जना मन्त्रीलाई शपथ खुवाएका थिए । गण्डकीमा अन्य मन्त्री परिषद् विस्तार गरिएको छैन । प्रवक्ता खड्काले विश्वासको मत लिएपछि मात्र मन्त्रिपरिषद् विस्तार गरिने बताए । गण्डकीमा ११ वटा मन्त्रालय छन् । ५९ प्रदेशसभा सदस्य छन् । विश्वासको मत प्राप्त गर्न ३० मत आवश्यक पर्छ । ६० सदस्यीय प्रदेशसभामा राष्ट्रिय जनमोर्चाका कृष्ण थापाको पद सर्वोच्च अदालतले खारेज गरिदिएपछि प्रदेशसभा सदस्यको संख्या ५९ भएको हो । सरकारमा अहिले कांग्रेस, माओवादी, जसपा र राष्ट्रिय जनमोर्चा छन् । चार दलको गठबन्धनले एमालेका पृथ्वी सुब्बा गुरुङ नेतृत्वको सरकारलाई अल्पमतमा पारी नयाँ सरकार गठन गरेको हो ।

Advertisement

सरकारलाई साथ दिएको जसपाका गण्डकीमा दुई सांसद छन् । हरिशरण आचार्य विनाविभागीय मन्त्री बनेका छन् । अर्की सांसद धनमाया लामा पोखरलले आफूलाई पनि सरकारमा लैजानुपर्ने माग राखेकी छन् । उनले आफ्नो माग पूरा भएमात्र सरकारलाई सहयोग गर्ने जनाएकी छन् । संसदमा दलीय मान्यता पाउन १० प्रतिशतको थ्रेसहोल्डलाई खारेज गर्नुपर्ने र उच्चस्तरीय राजनीतिक संयन्त्र निर्माण गर्नुपर्ने पनि उनको माग छ ।

यसमा तपाइको मत

Your email address will not be published. Required fields are marked *


*