रोल्पामा कांग्रेस कार्यकर्ताको घाँटी रेटेर हत्या
रोल्पा । रोल्पामा नेपाली कांग्रेसका कार्यकर्ताको घाँटी रेटेर हत्या भएको छ। रोल्पा नगरपालिका–६ दार्बोटका ५२ वर्षीय पूर्णबहादुर बुढाको घाँटी रेटेर हत्या भएको हो।
बुढाको आफ्नै घरमा घाँटी काटेको अवस्थामा शव फेला परेको रोल्पा प्रहरीले जनाएको छ। उनी गत साउन २३ मा सम्पन्न कांग्रेसको वडा अधिवेशनमा क्षेत्रीय प्रतिनिधिमा निर्वाचित भएका थिए। रोल्पा कांग्रेसका सभापति अमरसिंह पुनले क्षेत्रीय प्रतिनिधि बुढाको आइतबार राति हत्या भएको जानकारी दिए।