यी हुन् डीआईजीमा बढुवा सिफारिस भएका चार एसएसपी
काठमाडौं । नेपाल प्रहरीका चार प्रहरी वरिष्ठ उपरीक्षक (एसएसपी)लाई प्रहरी नायब महानिरीक्षक (डीआईजी) मा बढुवाका लागि सिफारिस गरिएको छ।
कृष्णहरि शर्मा, दानबहादुर कार्की, डा. मनोजकुमार केसी र राजन अधिकारी बढुवाका लागि सिफारिसमा परेका हुन्।
गृह मन्त्रालयको बढुवा समितिको शुक्रबार बसेको बैठकले चार एसएसपीलाई डीआईजीमा बढुवा गर्न सिफारिस गरेको हो।
प्रहरी नियमावली २०७१ (संशोधनसहित) को नियम २७ को उपनियम (४) अनुसार बढुवाका लागि सिफारिस गरेको प्रहरी प्रधान कार्यालयले जनाएको छ।
अन्य समाचारहरु
