६० हजार बराबरको तेक्वान्दो खेल सामाग्री हस्तान्तरण
मकवानपुर । हेटौंडा–२ स्थित सिद्धार्थ तेक्वान्दो डोजाङलाई तेक्वान्दो खेल सामाग्री हस्तान्तरण गरिएको छ । हेटौंडा उपमहानगरपालिका, वडा नं २ को कार्यालयले शनिबार सिद्धार्थ तेक्वान्दो डोजाङलाई सामाग्री हस्तान्तरण गरेको हो ।
मकवानपुर जिल्ला तेक्वान्दो संघको पहलमा डोजाङलाई वडा कार्यालयबाट ६० हजार रुपैयाँ बराबरको सामाग्री सहयोग गरिएको हो । वडा नं २ का अध्यक्ष विष्णु गोपाल महर्जनले डोजाङका प्रमुख युसुफ हुसेनलाई सामाग्री हस्तान्तरण गरेका हुन् । सामाग्री हस्तान्तरण कार्यक्रममा मकवानपुर जिल्ला तेक्वान्दो संघका अध्यक्ष लालकाजी रत्न बज्रचार्य, उपाध्यक्ष ओम कुमार लामा, तेक्वान्दो संघका नगर अध्यक्ष सुरशा ढुङ्गाना, सदस्य गोपाल सुनार लगायतको उपस्थिति थियो ।
