नगरमै पहिलो पटक बालमैत्री स्थानीय शासनयुक्त वडा घोषणा हुँदै ८ नम्बर वडा
मकवानपुर । हेटौंडा उपमहानगरपालिका वडा नम्बर–८ नगरमै पहिलोपटक बालमैत्री स्थानीय शासनयुक्त वडा घोषणा हुनेभएको छ ।
सोमबार पत्रकार सम्मेलनको आयोजना गर्दे आउँदो असार २९ गते वडालाई बालमैत्री स्थानीय शासनयुक्त वडा घोषणा गरिन लागिएको वडाकी सहजकर्ता रोजिता दंगालले जानकारी दिईन् ।
वडालाई बालमैत्री घोषणा गर्नका निम्ति पूरा गर्नुपर्ने ५१ वटा सुचकहरु पुरा गरिसकेको उनले बताईन् ।
आर्थिक वर्ष २०८०/८१ मा यस वडामा ८ र अन्य स्थानबाट ४ गरि १२ जना बालश्रमिकहरुको उद्धार गरिएको छ, भने ४ वेपत्ता बालबालिकाको उद्धार र ३ वटा बालबिवाह रद्ध गरिएको सहजकर्ता दंगालले बताईन् ।
कार्यक्रममा वडाका अध्यक्ष राम थापाले बालमैत्री वडा घोषणालाई दिगो रुपमा लैजान आफुहरु सधैं लागिपर्ने बताए ।
वडाभित्र १९ वटा टोलविकास संस्था र २१ वटा बालसमूह रहेको उनले बताए ।
यसअघि गत फाल्गुन २२ गते वडा नम्बर–८ मा रहेको श्री चन्द्रोदय मा.वि बालमैत्री विद्यालय घोषणा भईसकेको छ ।
त्यस्तै हेटौंडा–२ स्थित बालजागृति इङ्लिस सेकेण्डरी स्कुल, हेटौंडा–१६ स्थित जनप्रिय मा.वि, र हेटौंडा–१ स्थित अमर माध्यामिक विद्यालय बालमैत्री विद्यालय घोषणा भईसकेका छन् ।
