संसद्‍मा एमालेको तर्क- नयाँ सरकार रोकेर प्रचण्डले मुलुकलाई अस्थिरतातिर लान खोजे

नवयुग संवाददाता
२०८१, २५ असार सोमबार १३:३८

Advertisement

काठमाडौं । नेकपा एमालेका प्रमुख सचेतक महेश बर्तौलाले मुलुकलाई अस्थिरतातर्फ लैजाने कोशिश भएको बताएका छन् ।

Advertisement

सोमबार प्रतिनिधिसभाको विशेष समयमा बोल्दै बर्तौलाले वर्तमान सरकार अल्पमतमा परे पनि आयु लम्याउने काम भइरहेको बताए । उनले बालुवाटारबाट नयाँ सरकार बन्न रोकेर मुलुकलाई अस्थिरतातर्फ लैजाने कोशिशमा रहेको आरोप पनि लगाए।

Advertisement

आफुहरू वर्तमान सरकारलाई बलियो ढंगबाट अघि बढाउन चाहे पनि प्रधानमन्त्री पुष्पकमल दाहाल प्रचण्ड अर्को दाउपेचमाा सहभागी भएकाले कुरा बिग्रिएको बताए ।

Advertisement

त्यहीकारण एमाले थप सशंकित भएको उनले बताएका छन् । सरकारमा रहँदारहँदै एमालेलाई कमजोर बनाउने काम भएपछि बाहिरिएर कांग्रेससँग सहकार्यको निर्णयमा पुगेको उनले बताए ।

कांग्रेससँग भएको सहमति कार्यान्वयनमा एमाले दृढताका साथ अघि बढने उनले बताए । अहिले संवैधानिक व्यवस्थालाई बङ्गाउने खेल भएको भन्दै सांसद बर्तौलाले संविधानको धारा ७६ को उपधारा २ अनुसारको सरकार बनाउन संवैधानिक अड्चन नरहेको दाबी गरे ।

उनले लामो समय नदिई तत्काल राजीनामा दिएर नयाँ सरकार गठनको बाटो खुल्ला गर्न प्रधानमन्त्रीलाई अनुरोध पनि गरेका छन् ।

यसमा तपाइको मत

Your email address will not be published. Required fields are marked *


*