इंग्लिस प्रिमियर लिग फुटबलमा आज सात वटा खेल हुँदै
काठमाडौं । इंग्लिस प्रिमियर लिग फुटबलमा आज सात वटा खेल हुँदैछन् । आज हुने पहिलो खेलमा नेपाली समयअनुसार बेलुका सवा ६ बजे चेल्सी र लेस्टरसिटी खेल्दैछन् ।
त्यस्तै राति पौने ९ बजे पाँच वटा खेल हुँदैछन् । यी खेल फुलहम र उल्भ्स, एभर्टन र ब्रेन्टफोर्ड, आर्सनल र नटिङघम फरेस्ट, बर्नमाउथ र ब्राइटन तथा एस्टनभिल्ला र क्रिस्टल प्यालेसबीच हुनेछ । त्यस्तै राति सवा ११ बजे साविक विजेता म्यानचेस्टर सिटी र टोटनहमबीच खेल हुनेछ ।
अङ्क तालिकामा लिभरपुल ११ खेलमा २८ अङ्कसहित शीर्ष स्थानमा र समान ११ खेलमा सिटी २३ अङ्कसहित दोस्रो स्थानमा छ । चेल्सी, आर्सनल, नटिङघम फरेस्ट र ब्राइटनको समान १९ अङ्क छ । तालिकामा चेल्सी तेस्रो, आर्सनल चौथो, नटिङघम फरेस्ट पाँचौँ र ब्राइटन छैटौँ स्थानमा छ ।
