मकवानपुरमा लागुऔषध गाँजासहित एकजना पक्राउ
मकवानपुर । मकवानपुर प्रहरीले लागूऔषध गाँजासहित एकजनालाई पक्राउ गरेको छ ।
बुधबार बिहान ३ बजेर ४५ मिनेटको समयमा मकवानपुरको भीमफेदी गाउँपालिका–२, भैंसेस्थित प्रहरी चेकपोष्टमा पालुङबाट हेटौंडातर्फ आउँदै गरेको प्र. न.३–०१–०२३ च ८०४७ नम्बरको योद्धा गाडीबाट ३० वटा पोकामा १६० किलो गाँजा बरामद गरेको प्रहरीले जनाएको छ ।
पक्राउ पर्नेमा चालक गोरखा जिल्लाको असराङ गाउँपालिका–१ का २८ वर्षीय अमीर मिया रहेका छन् ।
पक्राउ पश्चात थप अनुसन्धान भइरहेको प्रहरीले जनाएको छ ।
