हेटौंडा–६ चौघडामा अटोको ठक्करबाट पैदलयात्रीको मृत्यु
मकवानपुर । हेटौडा उपमहानगरपालिका वडा नम्बर– ६ चौघडाबजार स्थित कान्तिलोकपथ सडक खण्डमा अटोले पैदलयात्रीलाई ठक्कर दिँदा एक जनाको मृत्यु भएको छ ।
हेटौंडा बजारबाट चुच्चेखोला तर्फ जाँदै गरेको ना २ ह २६९२ नम्बरको अटोले पदैल यात्री हेटौंडा–६ शान्तिटोल बस्ने ६८ वर्षिय जनक राईको मृत्यु भएको हो ।
अटोले ठक्कर दिँदा टाउको र शरिरको बिभिन्न भागमा चोट लागी उपचारको लागी पुरानो मेडिकल कलेज भरतपुर चितवनको लागी रिफर भएकोमा उपचारका क्रममा मृत्यु भएको जिल्ला प्रहरी कार्यालय मकवानपुरका प्रहरी नायब उपरिक्षक स्यामु अर्यालले बताए ।
