चरेशसहित हेटौंडाबाट एक युवती पक्राउ
मकवानपुर। मकवानपुरको हेटौंडा उपमहानगरपालिका–१० बसपार्कबाट अवैध लागूऔषध चरेशसहित एक जना युवतीलाई प्रहरीले बिहीबार पक्राउ गरेको छ ।
पक्राउ पर्नेमा पर्सा पटेर्वा सुगौली गाउँपालिका–१ बस्ने २४ वर्षीया गिता राई रहेको प्रहरीले जनाएको छ । उनको साथबाट प्रहरीले ५ केजी अवैध लागूऔषध चरेश बरामद गरेको छ ।
काठमाडौंबाट धरान जाँदै गरेको बा ४ ख ८०६० नम्बरको बसमा चेकजाँच गर्दा राईको साथबाट ५ केजी लागूऔषध चरेस बरामद भएको मकवानपुरका प्रहरी उपरीक्षक मुकेशकुमार सिंहले जानकारी दिए ।
यस्तै प्रहरीले भक्तपुर ठिमीबाट हेन्डिल लक तोडी चोरेर ल्याउँदै गरेको लु ५४ प ६०९८ नम्बरको मोटरसाइकलसहित रौतहट चन्द्रपुर नगरपालिका वडा नम्बर ८ का १८ बर्षीय अविनाश चौधरीलाई पनि पक्राउ गरेको छ ।
अन्य समाचारहरु
