इन्द्रावतीमा पाँच दलको उम्मेदवारी

नवयुग संवाददाता
२७ कार्तिक २०७६, बुधबार २२:०६

सिन्धुपाल्चोक । आगामी मङ्सिर १४ गते हुने उपनिर्वाचनका लागि सिन्धुपाल्चोक इन्द्रावती गाउँपालिका–८ मा पाँच पार्टीले उम्मेदवारी दर्ता गराएका छन् । वडाध्यक्षको उम्मेदवारमा नेकपाले केदारनाथ आचार्य, नेपाली काङ्ग्रेसले अशोक तामाङ, राप्रपा संयुक्तबाट ढकबहादुर तामाङ, राप्रपा नेपाल रणबहादुर तामाङ र समाजवादी पार्टी नेपालबाट प्रकाश श्रेष्ठको उम्मेदवारी परेको छ ।

उम्मेदवारी दर्ताका क्रममा सिन्धुपाल्चोकका उच्च तहको नेताको उपस्थित भएका थिए । मनोनयन दर्ता कार्यक्रममा पूर्वमन्त्री एवं सांसद शेरबहादुर तामाङ र प्रदेश ३ का सामाजिक विकासमन्त्री युवराज दुलाल, पूर्वसांसद सुवास कर्माचार्य नेकपाको जिल्ला अध्यक्ष झम्क नेपाललगायतको नेता कार्यकताको बाक्लो उपस्थिति रहेको थियो ।

त्यस्तै नेपाली काङ्ग्रेसका पूर्वमन्त्री एवं काङ्ग्रेस केन्द्रीय सदस्य मोहन बस्नेत, काङ्ग्रेस सभापति विकास लामालगायतको नेता कार्यकर्ता उपस्थित हुनुहुन्थ्यो । स्थानीय तहको निर्वाचनमा निर्वाचित भएका अध्यक्ष धनबहादुर श्रेष्ठको मृत्युपछि अहिले उपनर्वाचन हुन लागेको हो । यसअघि सो वडामा नेपाली काङ्ग्रेस विजयी भएको थियो । निर्वाचित श्रेष्ठसँग नेकपाले उम्मेदवारी खडा गरेको आचार्य पाँच मतले पराजित भएका थिए । यस वडामा एक हजार ४०४ मतदाता रहेका छन् । रासस

यसमा तपाइको मत

Your email address will not be published. Required fields are marked *


*