तीन सुरुङमार्ग निर्माणका लागि बोलपत्र आह्वान हुँदै

नवयुग संवाददाता
२८ पुष २०७७, मंगलवार १३:०८

Advertisement

मकवानपुर। बागमती प्रदेशका भौतिक पूर्वाधार तथा विकासमन्त्री रामेश्वर फुयाँलले प्रदेश राजधानी हेटौँडाबाट सङ्‍घीय राजधानी काठमाडौं जोड्नेसहित तीन सुरुङमार्ग निर्माणका लागि बोलपत्र आह्वान गर्न लागिएको बताएका छन्।

Advertisement

हेटौँडा–वीरगञ्ज सडकखण्डमा पर्ने चुरियामाई मन्दिर परिसरमा रहेको १०४ वर्ष पुरानो २०० मिटर सुरुङमार्ग निरीक्षणका क्रममा उनले सो जानकारी दिएका हुन्। मन्त्री फुयाँलले काठमाडौंको बूढानीलकण्ड र गोकर्णेश्वर–बालुवाताल तथा मकवानपुरको भीमफेदी–कुलेखानी पोष्टबहादुर बोगटी सुरुङमार्ग निर्माणका लागि बजेट विनियोजन गरिसकेको बताए।

Advertisement

उनले भौतिक पूर्वाधार तथा विकास मन्त्रालयले तीनै सुरुङ मार्ग निर्माणका लागि बोलपत्र आह्वान गर्ने क्रममा कानुनी प्रक्रिया पूरा गरिरहेको र केही दिनभित्रै सूचना प्रकाशित गरिने जानकारी दिए। मन्त्री फुयाँलले प्रदेशका जनतामा विकासप्रतिको भरोसा दिलाउन इञ्जिनियर प्राविधिकलाई इमान्दारीका साथ काम गर्न निर्देशन दिए।

Advertisement

उनले भौतिक पूर्वाधार तथा विकास मन्त्रालयद्वारा केही दिनअघि पदपूर्तिको लागि दिइएको प्रयोगात्मक परीक्षामा उत्तीर्ण भएका २२ इन्जिनियरलाई स्वागत गरे। मन्त्री फुयाँलले हेटौँडा उपमहानगरपालिका–१५ स्थित राणाकालमा निर्मित १०४ वर्षीय पुरानो सुरुङमार्गको स्थलगत अवलोकन गरेका थिए। यसै आर्थिक वर्षभित्र उक्त पुराना सुरुङमार्गलाई सञ्चालन गर्न सम्भाव्यता प्राविधिक सर्वेक्षण भइरहेको भौतिक पूर्वाधार मन्त्रालयले जनाएको छ। रासस

यसमा तपाइको मत

Your email address will not be published. Required fields are marked *


*