आजबाट लाइसेन्सको अनलाइन फारम खुल्यो, कोटा सिस्टम हट्ने !

नवयुग संवाददाता
९ माघ २०७७, शुक्रबार १४:२८

Advertisement

काठमाडौँ । आजबाट सवारी चालक अनुमति पत्र (लाइसेन्स)को अनलाइन फारम खुल्ने भएको छ । यातायात व्यवस्था विभागले बिहीबार एक सूचना जारी गर्दै असीमित रुपमा अनलाइन आवेदन दिन सकिने जनाएको हो ।

Advertisement

अनलाइन फारम खुले सँगै निश्चित कोटा सिस्टम हट्ने भएको यातायात व्यवस्था विभागले बताएको छ । यसअघि दिनको निश्चित सङ्ख्यामा मात्रै अनलाइन फाराम भर्न पाउने व्यवस्था हुँदा फाराम भर्न नपाएको गुनासाहरू आएका थिए ।

Advertisement

अनलाइन फर्म भरेका सेवाग्राहीले तोकिएको मितिमा लिखित परीक्षाका लागि लागि यातायात कार्यालय जानुपर्ने छ । कोटा प्रणालीले फारम भर्न नसकेको गुनासो आएपछि अनलाइन फाराम दर्ता असीमित गरिएको हो ।

Advertisement

प्राप्त आवेदनका आधारमा परीक्षाका लागि पालैपालो बोलाइने यातायात विभागले जनाएको छ।

यातायात व्यवस्था विभागले गत पुस १० गते सूचना जारी गर्दै स्वास्थ्य तथा जनसंङ्ख्या मन्त्रालयले जारी गरेको स्वास्थ्य सम्बन्धी मापदण्डहरू पालन गर्ने व्यवस्था गरी १४ गतेदेखि आवदेन खुला गरेको थियो । आवेदन खुला भए पनि फारम भर्नेको सङ्ख्या अधिक भएकोले कोटा सिस्टम हुँदा अधिकांश सेवाग्राही फारम भर्नबाट बञ्चित थिए । त्यस्तै केही दिनदेखि आएको सर्भरको समस्याले अनलाई आवेदन प्रणली बन्द थियो ।

यसमा तपाइको मत

Your email address will not be published. Required fields are marked *


*