सीमा तनावका बीच भारतको ठूलो व्यापार साझेदार चीन, त्यसपछि अमेरिका र यूएई

नवयुग संवाददाता
११ फाल्गुन २०७७, मंगलवार १४:२७


चर्किँदो सीमा तनावका बीच पनि भारतको ठूलो व्यापार साझेदार चीन बनेको छ।

Advertisement

गत वर्ष रक्तपातपूर्ण सीमा तनाव र त्यसपछि भारतले २२० चिनियाँ एप्लिकेसनमाथि प्रतिबन्ध लगाए पनि यसले चीन अमेरिकालाई पछि पार्दै सन् २०२० मा भारतको ठूलो व्यापार साझेदार बनेको हो।

Advertisement

दुई देशबीच गत वर्ष ७७ अर्ब ७० करोड अमेरिकी डलरको वस्तु आयातनिर्यात भएको भारतको वाणिज्य मन्त्रालयले जनाएको छ।

Advertisement

यद्यपि अघिल्लो वर्षभन्दा यो कम रकम हो। अघिल्लो वर्ष दुई देशबीच ८५ अर्ब ५० करोड डलरको व्यापार भएको थियो। महामारीका बेला विश्व व्यापार सुस्ताए पनि मेडिकल सामग्री र आपूर्तिको बलियो माग रहेको थियो।

Advertisement

भारतले बेइजिङसँगको व्यापार कम गर्ने र आत्मनिर्भरताको बाटोमा आफूलाई उभ्याउने बताए पनि अहिले पनि हेभी मेसिनरी, दूरसञ्चार सामग्री र होम एप्लायन्सेसजस्ता वस्तुमा चीनसँगको निर्भरता घटाउनसकेको छैन।

भारतले चीनबाट कुल ५८ अर्ब ७० करोड डलरको आयात गरेको थियो। यो परिमाण भनेको अमेरिका र संयुक्त अरब इमिरेट्सको जोड्दा पनि धेरै हो। अमेरिका र यूएई भारतको क्रमशः दोस्रो र तेस्रो ठूलो व्यापार साझेदार हुन्।

यति ठूलो परिमाणको आयातनिर्यात हुने भए पनि दुई देशबीच सीमामा ठूलो विवाद छ। गत जुनमा भएको दुई देशका सैनिकहरुबीचको भीडन्तमा भारतका २० र चीनका चार सैनिक मारिएका थिए।

४५ वर्षपछि सीमा तनावमा सेनाहरुको ज्यान गएको हो। त्यसपछि भारतले टिकटक, विच्याट र अरु २ सयभन्दा बढी चिनियाँ एपहरुमाथि प्रतिबन्ध लगाएको छ।

यसमा तपाइको मत

Your email address will not be published. Required fields are marked *


*