२९ श्रावण २०७९, आईतवार

आकाशे पुलमा उभिएर स्थापितले मुस्कानसहित भन्नुभयो– यो मेरै कार्यकालको योजना हो (चार तस्बिर)

प्रकाशित मिति :  १६ बैशाख २०७९, शुक्रबार १५:५०



काठमाडौँ । नेकपा (एमाले) का तर्फबाट मेयर पदको उम्मेदवार बन्नुभएका केशव स्थापित र उपमेयर पदको उम्मेदवार बन्नुभएकी सुनिता डंगोल शुक्रबार जमलको आकाशे पुलमा अचानक भेटिनुभयो । महानगरवासीसँग मत माग्न घर–दैलो कार्यक्रम जाने सिलसिलामा जमलको आकाशे पुलमा अचानक भेटिनु भएका निर्भीक स्वाभावका स्थापित र डंगोललाई सँगसँगै देखेपछि आकाशे पुलबाट सडक वारपार गरिरहेका मानिस समेत एकछिन टक्क उभिँएर उहाँहरुलाई निहालिरहेका थिए ।

अचानक पुलमाथि भेटिनु भएका स्थापितले केही बेर त्यहि पुलमाथि उभिएर आफू पहिलो पटक मेयर बनेका बेला महानगरपालिका क्षेत्र भित्र आकाशे पुल निर्माणको योजना अघि बढाएको जानकारी गराउनु भयो । ‘म पहिलो पटक मेयर बन्दा आकाशेपुल निर्माणको योजना अघि बढाएँ,’ उहाँले उत्साहित हुँदै भन्नुभयो, ‘आज त्यहि पुलबाट वाटो वारपार गर्दै मतदाताको घर–दैलोमा मत माग्न जाँदै गर्दा आनन्द महसुस भएको छ ।’

उहाँले आजबाट सुरु घर–दैलो कार्यक्रमलाई ३२ वटै वडामा प्रभावकारी ढंगले अघि बढाउने जानकारी पनि दिनुभयो । ‘३२ वटै वडामा हामीले जित्ने निश्चित जस्तै छ,’ उहाँले निकै उत्साहका साथ भन्नुभयो, ‘हामी मत माग्न घर–दैलामा जाँदा मतदाता उत्साहित भएको पायौँ ।’ स्थापितसँगै रहनु भएकी डंगोलले पनि घर–दैलो कार्यक्रमले थप उत्साह बढाएको जानकारी दिनुभयो ।



प्रतिक्रिया दिनुहोस !

२०१४ साल कात्तिक १५ गते ‘नवयुग’ पहिलोपटक साप्ताहिकका रुपमा प्रकाशित भएको थियो ।
अविभाजित नेपाल कम्युनिस्ट पार्टीको मुखपत्रका रुपमा यसको पहिलो अङ्कको मुख्य समाचारमा छापिएको थियो, ‘विधानसभाको लागि कम्युनिस्ट पार्टी सङ्घर्षशील ।’ पहिलो अङ्क (अङ्क १) को मूल्य १० पैसा थियो । ०४७ मा तत्कालीन नेकपा (माले) ले ‘नवयुग’लाई आफ्नो मुखपत्रका रुपमा आत्मसात गरेर प्रकाशन अघि बढाएको थियो । ०५५ सम्म यसको प्रकाशन अनियमित र विभिन्न स्वरुपमा भयो । थप..