२ भाद्र २०७९, बिहीबार

श्रीकृष्णले अर्जुनलाई साथ दिए जस्तै सूर्य ध्वजावाहकलाई सहयोग गर्छुः चौधरी

प्रकाशित मिति :  २० बैशाख २०७९, मंगलवार ०७:४८


इटहरी । इटहरी उपमहानगरपालिकाका नगरप्रमुख द्वारिकलाल चौधरीले वैशाख ३० गते हुन लागेको स्थानीय तह निर्वाचनमा महाभारतको लडाईँमा श्रीकृष्णले अर्जुनलाई साथ दिएजस्तै आफूले सूर्यध्वजावाहक उम्मेदवारलाई साथ दिने बताउनुभएको छ ।
उहाँले गठबन्धनको चक्रब्यूह तोड्न आफूले नेतृत्व गर्नुपरे तयार रहेको बताउनुभएको छ ।

इटहरीमा एमाले एकढिक्का भएको देखेर कसैको टाउको दुख्छ भने सिटामोल लिएर हिँड्न पनि उहाँले सुझाव दिनुभएको छ ।
चौधरीले एमालेका मेयर पदका उम्मेदवार याम सुब्बा र उपमेयर पदका उम्मेदवार संगीता चौधरीलाई अत्यधिक मतका साथ विजयी गराउनुपर्ने भन्दै त्यसका लागि आफ्नो पूर्ण सहयोग र साथ रहेको बताउनुभयो ।

सुनसरीको इटहरी उपमहानगरपलिकामा उम्मेदवारहरु घर दैलो कार्यक्रम व्यस्त छन् । चुनाव नजिकिँदै गर्दा भोट माग्नका लागि उम्मेदवारहरु अहिले हतारमा देखिन्छन् । इटहरीमा १०२ पदका लागि ४०८ जनाले उम्मेदवारी दिएका छन् ।

इटहरी उपमहानगरपालिकामा एकलाख चारहजार ६२६ मतदाता रहेका छन् । नेकपा एमालेले जित्दै आएको इटहरीमा नेकपा एमालेबाट यामकुमार सुब्बा नगरप्रमुखको उम्मेदवार हुनुहुन्छ ।



प्रतिक्रिया दिनुहोस !

२०१४ साल कात्तिक १५ गते ‘नवयुग’ पहिलोपटक साप्ताहिकका रुपमा प्रकाशित भएको थियो ।
अविभाजित नेपाल कम्युनिस्ट पार्टीको मुखपत्रका रुपमा यसको पहिलो अङ्कको मुख्य समाचारमा छापिएको थियो, ‘विधानसभाको लागि कम्युनिस्ट पार्टी सङ्घर्षशील ।’ पहिलो अङ्क (अङ्क १) को मूल्य १० पैसा थियो । ०४७ मा तत्कालीन नेकपा (माले) ले ‘नवयुग’लाई आफ्नो मुखपत्रका रुपमा आत्मसात गरेर प्रकाशन अघि बढाएको थियो । ०५५ सम्म यसको प्रकाशन अनियमित र विभिन्न स्वरुपमा भयो । थप..