४ भाद्र २०७९, शनिबार

धम्काउने बानी अहिलेसम्म गएनछ : अध्यक्ष ओली (फोटो फिचर)

प्रकाशित मिति :  २५ बैशाख २०७९, आईतवार १९:०७


नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले प्रचण्डको धम्क्याउने बानी अझैसम्म नगएको टिप्पणी गर्नुभएको छ । आज चितवनको नारायणगढमा आयोजित बृहत् चुनावी सभालाई सम्बोधन गर्दै अध्यक्ष ओलीले धम्काएर खाएकाहरुको अहिलेसम्म पनि धम्काउने बानी नगएको बताउनुभएको हो ।


केही दिन अघि नेकपा माओवादी केन्द्रका अध्यक्ष पुष्पकमल दाहाल प्रचण्डले भरतपुरमा गठबन्धनले हारे देश दुर्घटना हुने बताउनुभएको थियो । सोही विषयमा टिप्पणी गर्दै अध्यक्ष ओलीले आज धम्काएर खानेहरुको बानी भए पनि अब जमना बदलिएको भन्दै अब धम्काएर काम नचल्ने बताउनुभएको छ । गठबन्धनले हारेमा कुनै दुर्घटना नहुने भन्दै अध्यक्ष ओलीले बरु अब घटना हुने र त्यो घटना गठबन्धनले नराम्रोसँग हार बेहोर्ने ठोकुवा गर्नुभयो ।


सोही कार्यक्रमलाई सम्बोधन गर्दै पूर्वमन्त्री एवं राष्ट्रिय प्रजातन्त्र पार्टीका वरिष्ठ उपाध्यक्ष विक्रम पाण्डेले एमाले र राप्रपाले नेतृत्व गर्ने भरतपुर र माडी देशकै सुन्दर स्थानीय तह बन्ने बताउनुभयो । यी दुवै स्थानीय तह धेरै सम्भावना बोकेका स्थानीय तह भएको उल्लेख गर्दै उहाँले एमाले राप्रपाको गठबन्धन विजयी भए देशले हेर्न लायक स्थानीय तह हुने दाबी गर्नुभयो । स्थानीय तहहरु भनेको जनताको आशाको केन्द्रबिन्दु भएको उल्लेख गर्दै उहाँले यहीँ नै विभिन्न सम्भावनाहरु खोजेर युवाहरुलाई रोजगार दिनुपर्ने बताउनुभयो ।


नेकपा एमाले चितवनद्वारा आयोजित चुनावी सभालाई पूर्व गृहमन्त्री एवं नेकपा एमालेका उपाध्यक्ष रामबहादुर थापा, पूर्व अर्थमन्त्री एवं एमाले उपाध्यक्ष सुरेन्द्र पाण्डे, स्थायी कमिटी सदस्य काशिनाथ अधिकारी, भरतपुरका मेयरका उम्मेदवार विजय सुवेदीसहितका नेताहरुले सम्बोधन गर्नुभएको थियो ।



प्रतिक्रिया दिनुहोस !

२०१४ साल कात्तिक १५ गते ‘नवयुग’ पहिलोपटक साप्ताहिकका रुपमा प्रकाशित भएको थियो ।
अविभाजित नेपाल कम्युनिस्ट पार्टीको मुखपत्रका रुपमा यसको पहिलो अङ्कको मुख्य समाचारमा छापिएको थियो, ‘विधानसभाको लागि कम्युनिस्ट पार्टी सङ्घर्षशील ।’ पहिलो अङ्क (अङ्क १) को मूल्य १० पैसा थियो । ०४७ मा तत्कालीन नेकपा (माले) ले ‘नवयुग’लाई आफ्नो मुखपत्रका रुपमा आत्मसात गरेर प्रकाशन अघि बढाएको थियो । ०५५ सम्म यसको प्रकाशन अनियमित र विभिन्न स्वरुपमा भयो । थप..