२७ श्रावण २०७९, शुक्रबार

एमाले स्थायी कमिटी बैठकः बन्दसत्रका लागि अध्यक्ष मण्डल र माइन्यूट कमिटी गठन

प्रकाशित मिति :  ८ मंसिर २०७८, बुधबार १५:२८


काठमाडौं । नेकपा (एमाले) स्थायी कमिटीको बैठक हिजो मंगलबारसाँझ तुल्सीलाल स्मृति प्रतिष्ठान च्यासलमा सम्पन्न भयो । अध्यक्ष केपी शर्मा ओलीको अध्यक्षतामा सम्पन्न बैठकले पार्टीको दशौं राष्ट्रिय महाधिवेशनको बन्दसत्र सञ्चालनका लागि अध्यक्ष मण्डल र माइन्यूट कमिटी गठन गरेको छ ।
११ सदस्यीय अध्यक्ष मण्डलमा केपी शर्मा ओली, उपाध्यक्षहरु युवराज ज्ञवाली, अष्टलक्ष्मी शाक्य, भीम रावल, महासचिव ईश्वर पोखरेल, स्थायी कमिटी सदस्यहरु रामबहादुर थापा, टोपबहादुर रायमाझी, छबिलाल विश्वकर्मा र केन्द्रीय सदस्य लालवावु पण्डित र गोमा देवकोटा रहनुभएको छ ।
त्यस्तै, बैठकले सात सदस्यीय माईन्यूट कमिटी गठन गरेको छ । सो कमिटीमा सचिव पृथ्वीसुब्बा गुरुङ, केन्द्रीय सदस्यहरु सूर्य थापा, बिष्णु रिजाल, मनोज थापा, ठाकुर गैरे, गोविन्द नेपाली र ज्वालाकुमारी साह रहनुभएको छ । बैठकले मनोनित गरिने पाँच प्रतिशत प्रतिनिधिको पनि टुंगो लगाएको पार्टी सचिव तथा प्रचार विभाग प्रमुख योगेश भट्टराईले बताउनुभयो ।



प्रतिक्रिया दिनुहोस !

२०१४ साल कात्तिक १५ गते ‘नवयुग’ पहिलोपटक साप्ताहिकका रुपमा प्रकाशित भएको थियो ।
अविभाजित नेपाल कम्युनिस्ट पार्टीको मुखपत्रका रुपमा यसको पहिलो अङ्कको मुख्य समाचारमा छापिएको थियो, ‘विधानसभाको लागि कम्युनिस्ट पार्टी सङ्घर्षशील ।’ पहिलो अङ्क (अङ्क १) को मूल्य १० पैसा थियो । ०४७ मा तत्कालीन नेकपा (माले) ले ‘नवयुग’लाई आफ्नो मुखपत्रका रुपमा आत्मसात गरेर प्रकाशन अघि बढाएको थियो । ०५५ सम्म यसको प्रकाशन अनियमित र विभिन्न स्वरुपमा भयो । थप..