२७ श्रावण २०७९, शुक्रबार

दसौँ महाधिवेशनका लागि बेहुली जस्तै सिँगारिएको चितवन बन्यो एमालेमय

प्रकाशित मिति :  १० मंसिर २०७८, शुक्रबार ०६:३८



चितवन । करीब पाँच लाख मानिस उतार्ने बताउँदै आएको नेकपा (एमाले)को १० औं राष्ट्रिय महाधिवेशन उद्घाटनसत्रको अन्तिम तयारी धुमधामसँग भएको छ । अहिले मुलुकभरीका नेता–कार्यकर्ता एमाले महाधिवेशनको उद्घाटनमा सहभागि हुन चितवन आइपुगेका छन् । दिउँसो १२ बजेबाट सुरु गरेर करीब पाँच बजेसम्ममा उद्घाटनसत्र सक्ने तयारी भएको एमालेले जानकारी दिएको छ ।

निकै धुमधामसँग बनाएको मञ्च वरपर लाखौँ मानिसले एकै पटक उद्घाटनसत्रको दृष्य हेर्न र सुन्न सक्ने व्यवस्था गरिएको छ । उद्घाटनसत्र अघि बेहुली झैँ सिँगारिएको चितवन वरपरबाट लाखौँको संख्यामा बाहिरी जिल्लाबाट आएकाहरुको मुल जुलस विहान ११ बजेदेखि निस्कन सुरु भएको छ ।

निकै धुमधामसँग बनाएको मञ्च वरपर लाखौँ मानिसले एकै पटक उद्घाटनसत्रको दृष्य हेर्न र सुन्न सक्ने व्यवस्था गरिएको छ । उद्घाटनसत्र अघि बेहुली झैँ सिँगारिएको चितवन वरपरबाट लाखौँको संख्यामा बाहिरी जिल्लाबाट आएकाहरुको मुल जुलस विहान ११ बजेदेखि निस्कन सुरु भएको छ । जताततै नेकपा एमालेको झण्डा र नाराले सिगाँरिएको चितवतन अहिले एमालेमय बनेको छ । विभिन्न भेषभुसासहितका झाँकी र बाजागाजा सहितको ¥यालीले अहिले चितवनमा एमाले महाधिवेशनको शोभा बढाएको छ । चेपाङ, थारु, गुरुङ, तामाङ, मगर लगायतका जनजातिको झाँकीहरुले थप शोभायमान बनेको छ ।

उपप्रमुख थापाले दिएको जानकारी अनुसार पोखरा, काठमाडौंबाट आएका कार्यकर्ता सहभागी भएको जुलुस आँपटारीबाट निस्कन सुरु भएको छ । त्यसको चितवनकी नेतृ पार्वती रावल र नेता कृष्णभक्त पोखरेल लगायतले गरेका छन् । पूर्वीनेपालबाट आउनेहरुको केन्द्रीय बस ट्रमिनलबाट जुलुस सुरु भएको छ । नेता काशिनाथ अधिकारी, विजय सुवेदी, जगन्नाथ थपलिया लगायतले त्यसको नेतृत्व गर्नुभएको छ ।

मुल जुलसहरुमा केन्द्रीय शीर्षनेताहरुको सहभागिता छ । प्रेस चौतारी नेपाल, अनेरास्ववियु, युवासंघलगायतले पनि आ–आफ्नै तयारीसहित जुुलुस निकालेका छन् । उद्घाटनस्थल नारायणी नदी किनारमा विहानैदेखि सर्वसाधरण, नेता, कार्यकर्ताहरुको चहलपहल बढेको छ । मञ्च वरीपरी तस्बिर खिच्नेहरुको लर्को देखिएको छ भने हरेक सडक र गल्ली एमालेमय बनेका छन् ।



प्रतिक्रिया दिनुहोस !

२०१४ साल कात्तिक १५ गते ‘नवयुग’ पहिलोपटक साप्ताहिकका रुपमा प्रकाशित भएको थियो ।
अविभाजित नेपाल कम्युनिस्ट पार्टीको मुखपत्रका रुपमा यसको पहिलो अङ्कको मुख्य समाचारमा छापिएको थियो, ‘विधानसभाको लागि कम्युनिस्ट पार्टी सङ्घर्षशील ।’ पहिलो अङ्क (अङ्क १) को मूल्य १० पैसा थियो । ०४७ मा तत्कालीन नेकपा (माले) ले ‘नवयुग’लाई आफ्नो मुखपत्रका रुपमा आत्मसात गरेर प्रकाशन अघि बढाएको थियो । ०५५ सम्म यसको प्रकाशन अनियमित र विभिन्न स्वरुपमा भयो । थप..