२० मंसिर २०७९, मंगलवार

मधेससँगै मुलुकभरि एमालेप्रति अभूतपूर्वरुपले आकर्षण बढेको छ : महासचिव शंकर पोखरेल

प्रकाशित मिति :  ५ बैशाख २०७९, सोमबार ११:२९



काठमाडौँ । नेकपा (एमाले) महासचिव शंकर पोखरेलले तराई–मधेससँगै मुलुकभरि नै जनस्तरबाटै एमालेप्रति अभूतपूर्वरुपले आकर्षण बढेको बताउनु भएको छ । ‘पहिला–पहिला हामीले कार्यक्रम आयोजना गर्दा ६०–७० प्रतिशत कार्यकर्ताको सहभागिता हुने गथ्र्यो,’ उहाँले भन्नुभयो, ‘अहिले झण्डै सतप्रतिशत कार्यकर्ताको सहभागिता हुने गरेको छ । जनताको पनि त्यस्तै उत्साहपूर्ण सहभागिता रहने गरेको छ । यो भनेको पार्टीप्रतिको आकर्षण कार्यकर्ता जनस्तरको तहमा पनि बढेको छ भन्ने प्रमाण हो ।’

महासचिव पोख्रेलले विगतमा मुख्य गरेर तराई–मधेसको सन्दर्भमा एमालेलाई आइसोलेसनमा राख्ने प्रयासहरु भएको आरोप लगाउनुभयो । ‘अहिले ती ठाउँमा एमालेप्रति अभूतपूर्वरुपले आकर्षण बढेको छ,’ उहाँले भन्नुभयो, ‘निर्वाचित जनप्रतिनिधि समेत अहिले दल छाडेर नेकपा (एमाले)को पक्षमा उभिन थाल्नुभएको छ । त्यो आकर्षण त्यसै पैदा भएको होइन । हाम्रो पार्टी अध्यक्षको नेतृत्वको सरकार रहेका बेला तराई–मधेसका समस्या समाधान गर्ने सन्दर्भमा हामी जुन प्रकारको नीति अवलम्बन गर्यौँ । त्यसको प्रभाव हो भन्ने बुझ्न जरुरी छ ।’
उहाँले कुनै समय आध्यक्ष केपी शर्मा ओली र नेकपा (एमाले)लाई तराई–मधेसमा निषेधको राजनीति गर्ने प्रयास भएको भन्दै एमालेले त्यसलाई तोड्दै सहकार्यको राजनीति अवलम्बन गरेर त्यसको जवाफ दिएको बताउनु भयो । ‘संविधानप्रति नै असहमति व्यक्त गर्दै आउनु भएका उपेन्द्र यादव, महन्थ ठाकुरहरुलाई हामीले तपाईँहरुका मुद्धा सम्वोधन गर्ने हामीले नै हो भनेर सरकारमा सहभागी गरायौँ र सम्बोधन गर्न सुरुवात पनि गर्यौँ,’ उहाँले भन्नुभयो, ‘मूलधारको राजनीति भन्दा बाहिरको राजनीति गरिरहेकाहरुलाई पनि हामीले मूलधारको राजनीतिमा ल्याउने कामको थालनी गर्यौँ ।’


विखण्डनको राजनीतिक एजेण्डा बोकेर हिडेको सिके राउत समूहलाई संवैधानिक दायरा अर्थात मूलधारको राजनीतिमा ल्याउन सफल भएको दृष्टान्त उहाँले बताउनुभयो । ‘हिंसालाई राजनीतिको माध्ययम बनाइरहेको विप्लव समूहलाई पनि मूलधारको राजनीतिमा ल्याउन सफल भयौँ,’ उहाँले भन्नुभयो, ‘परम्परागत राजतन्त्रको पक्षमा उभिँएको राप्रपा नेपालका नेता कमल थापालाई पनि हामीले गणतन्त्रको धारमा ल्याउन सफल भयौँ । यो प्रकारको सफलता नेकपा ९एमाले० को विकास हो भन्ने कुराको पुष्टि गर्छ । हामी सरकारमा रहेका बेलामा होस या नरहेका बेला मुलुकका समस्या समाधानको पहलकदमी लिने पार्टी नेकपा एमाले मात्रै हो भन्ने पुष्टि गरेका छौँ । यो आकर्षण तराई–मधेसका जनतामा पनि रह्र्यो भन्ने हामीले ठानेका छौँ ।’
महासचिव पोख्रेलले तराई–मधेसको विकास र समृद्धिका सन्दर्भमा एमालेले अघि सारेका विकासका आयोजनाले पनि एमालेप्रतिको आकर्षण बढेको प्रष्ट पार्नुभयो । ‘हुलाकी सडकका कुरा गर्नुहोस् अथवा तराईका २२ जिल्लाको आधुनिकीकरणका सन्दर्भमा हामीले अघि बढाएको सहरी विकास कार्यक्रमको सन्र्दभको कुरा गरौँ यी सबैले एमालेप्रति आकर्षण बढेको छ,’ उहाँले भन्नुभयो, ‘तराई मधेसको समृद्धिको कुरा होस या तराईको भूमिको कृषि सिंचाईलगायतको प्रभावले पनि एमालेप्रतिको आकषर्ण बढेको हो । तराई जोड्ने फाष्ट्रट्याक, पूर्व–पश्चिम राजमार्गलाई चार लेनको बनाउने कुरा, हुलाकी सडकलाई सम्पन्न गर्ने कुरा, पूर्व–पश्चिम रेलवे मार्ग विस्तार गर्ने घोषणा, बन्द भएको रेलवे परियोजनालाई सूचारु गर्ने कुरामा हामीले जुन प्रकारको भूमिकमा खेल्यौँ, त्यसको गहिरो प्रभाव तराई–मधेसमा परेको छ ।’



प्रतिक्रिया दिनुहोस !

२०१४ साल कात्तिक १५ गते ‘नवयुग’ पहिलोपटक साप्ताहिकका रुपमा प्रकाशित भएको थियो ।
अविभाजित नेपाल कम्युनिस्ट पार्टीको मुखपत्रका रुपमा यसको पहिलो अङ्कको मुख्य समाचारमा छापिएको थियो, ‘विधानसभाको लागि कम्युनिस्ट पार्टी सङ्घर्षशील ।’ पहिलो अङ्क (अङ्क १) को मूल्य १० पैसा थियो । ०४७ मा तत्कालीन नेकपा (माले) ले ‘नवयुग’लाई आफ्नो मुखपत्रका रुपमा आत्मसात गरेर प्रकाशन अघि बढाएको थियो । ०५५ सम्म यसको प्रकाशन अनियमित र विभिन्न स्वरुपमा भयो । थप..