पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
nawayug.com
काठमाडौं । संयुक्त राष्ट्र संघको आह्वानमा शान्ति स्थापनाका लागि सेन्ट्रल अफ्रिकन रिपब्लिक मिसनमा तैनाथ नेपाली शान्ति सैनिकहरुको अदलीबदली भएको छ।
मिसनमा आफ्नो कार्यकाल पूरा गरेका २११ जना शान्ति सैनिक चैत ११ गते स्वदेश फिर्ता भएका छन् भने उनीहरुको स्थान लिन १७९ जना शान्ति सैनिकको पहिलो टोली बिहीबार मिसन इलाकातर्फ प्रस्थान गरेको छ।
उक्त मिसनमा तैनाथ रिपुमर्दन गण (सातौँ डफ्फा) र सैनिक प्रहरी युनिट (दशौँ डफ्फा) लाई बदली गर्नका लागि कालीबहादुर गण (आठौँ डफ्फा) र सैनिक प्रहरी युनिट (एघारौँ डफ्फा) त्यसतर्फ गएको सैनिक जनसम्पर्क तथा सूचना निर्देशनालयले जनाएको छ ।
हाल सेन्ट्रल अफ्रिकन रिपब्लिकको उक्त शान्ति मिसनमा नेपाली सेनाका १ हजार १०७ जना शान्ति सैनिकहरु कार्यरत रहेका छन्।
१२ चैत २०८२, बिहिबार ०४:४५ मा प्रकाशित
