पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
nawayug.com
काठमाण्डौ । रौतहटको गरुडा नगरपालिका–६ पोठीयाहीबाट भारतको झारखण्डमा रहेको बाबा बैधनाथ र बासुकीनाथ दर्शन गर्न गएका यात्रु चढेको बस दुर्घटना भएको छ ।
दुर्घटनामा एक बालकसहित तीन जनाको ज्यान गएको छ । ४५ जनाभन्दा धेरै यात्रु घाइते भएका छन् । रौतहट गरुडाका नवल चौधरी र उहाँकी श्रीमती तथा राजेश महतोका १४ वर्षीय छोरा शिवम महतोको ज्यान गएको प्रारम्भिक विवरण प्राप्त भएको जिल्ला प्रशासन कार्यालय रौतहटले जनाएको छ ।
ना ६ ख १५५४ नम्बरको बस दुर्घटनामा तीन जना नेपाली तिर्थालुको ज्यान गएको भारतीय सञ्चारमाध्यमले पनि जनाएका छन् । दुर्घटनाको विस्तृत विवरण आउन बाँकी नै छ ।
२९ साउन २०८३, शुक्रबार ०४:४७ मा प्रकाशित
