पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
nawayug.com
पोखरा । दीपक मनाङे अर्थात् राजीव गुरुङ राजनीतिमा रहुन्जेल मिलन गुरुङ उर्फ चक्रे मिलन खासै देखिएनन् । अघिल्लो चुनावमा मनाङे मनाङबाट प्रदेश सभाबाट सर्वसम्मत निर्वाचित हुँदा चक्रे गोरखाबाट प्रतिनिधि सभा सदस्य उम्मेदवार बन्न खोज्दै थिए ।
तर, प्राविधिक कारणले उनी उम्मेदवार हुन पाएनन् । मनाङे चुनाव जितेर पटक–पटक मन्त्री भए । कर्तव्य ज्यान मुद्दाले मनाङे जेल पुगे । यहीबिचमा चक्रे राजनीतिमा बढी सक्रिय भए, गोरखा २ बाट उम्मेदवार बने । एमालेबाट टिकट लिएर चुनाव लड्न गएका चक्रेले नराम्रोसँग हार व्यहोरे ।
संयोग यस्तो पर्यो कि चक्रेले चुनाव हारेको २ दिन नबित्दै जेल परेका मनाङे कैद भुक्तान गरेर कारागारमुक्त भएका छन् । मनाङे उनै चक्रेको हात छिनालेको आरोपमा दोषी ठहरिएर जेल परेका थिए । डिल्लीबजार कारागारबाट उनी बुधबार छुटेका हुन् ।
२०६१ बैशाख ३१ गते काठमाडौँको महाराजगञ्जमा खुकुरी हानेको अभियोगमा मनाङेलाई ५ वर्ष जेल सजाय सुनाइएको थियो । उनले भुक्तान गर्न बाँकी १ वर्ष ४ महिना कैद पूरा गरेर बुधबार निस्किएका हुन् । पटक पटक गरेर त्यसअघि नै २ वर्ष ८ महिना कैद भुक्तान गरिसकेका थिए । उनी पछिल्लो समय २०८१ कात्तिक २७ गते पक्राउ परेका हुन्।
