महाधिवेशन प्रतिनिधिमा युवा क्लस्टरतर्फ सौरभ केसीको दाबेदारी

रामेछाप । नेपाली कांग्रेसको १५ औं महाधिवेशनमा रामेछापबाट नेपाल तरुण दलका निवर्तमान केन्द्रीय सदस्य सौरभ केसीले युवा क्लस्टरबाट महाधिवेशन प्रतिनिधिको दाबी गरेका छन् ।

३५ वर्ष मुनीको युवा क्लस्टरबाट २ खुला सदस्यमध्ये केसीले महाधिवेशन प्रतिनिधिको लागि प्रतिस्पर्धा गर्न लागेको बताए ।

तरुण दलको एक कार्यकाल केन्द्रीय नेतृत्व गरिसकेको र पार्टीमा युवाले हस्तक्षेप गरेर नयाँ चुनौतिको बीच भइरहेको महाधिवेशनमा आफूले सबैको सहयोगको अपेक्षा गरेको उनले बताए ।

रामेछापबाट महाधिवेशन प्रतिनिधिका लागि असोज १३ गते सदरमुकाम मन्थलीमा क्षेत्रीय प्रतिनिधिहरुले मतदान गर्दैछन् ।

सामाजिक र व्यवसायिक काममा समेत सक्रिय रहेका केसी खाँडादेवी गाउँपालिका ६ माकादुमबाट क्षेत्रीय प्रतिनिधि चयन भएका हुन् ।