युवा संघ नेपालले एक वर्षभित्र ५ लाख सदस्य बनाउने
काठमाडौँ। सत्तारुढ नेकपाको भातृसंगठन राष्ट्रिय युवा संघ नेपालले एक वर्षभित्र पाँच लाख सदस्य बनाउने निर्णय गरेको छ। मंसिर १ मा भएको युवा संघको राष्ट्रिय भेलाले सो निर्णय गरेको संयोजक रामप्रसाद सापकोटाले जनाएका छन्।
भेलाले कालापानी, लिम्पियाधुरा, सुस्ता, आदि अतिक्रमित भूमि फिर्ता गर्न पनि भारतसँग माग गरेको छ। त्यस्तै, भेलाले मंसिर १४ मा हुने उपनिर्वाचनमा नेकपाका उम्मेदवारलाई जिताउन परिचालित हुन संघका कार्यकर्तालाई निर्देशन दिएको छ।
संघको एकता प्रक्रियालाई टुंगोमा पु¥याउनेगरी एकताका कामलाई तीव्रता दिने निर्णय पनि भेलाले गरेको छ। मंसिरदेखि चैतसम्म जिल्लाभन्दा तल्लो, साउनसम्म जिल्ला र कात्तिकभित्र प्रदेशको एकता सम्मेलन गर्ने लक्ष्य राखिएको संयोजक सापकोटाले जनाएका छन्।